Jos leat fárren eará suohkanii ja fárrendieđáhus ii leat boahtán álbmotregisterii ovdal geassemánu 30.b., de leat ain mielde dan suohkana jienastuslogus gos fárrejit eret. Dalle sáhtát juogo jienastit ovddalgihtii dahje jienastit válgabeaivvi dan suohkanis gos leat mielde jienastuslogus.
Jos du namma ii leat mielde stuorradiggeválgga jienastuslogus dahje oaivvildat leat eará boasttuvuođa listtuin, de sáhtát váidalit. Váidalus galgá leat čálalaččat ja ákkastallon. Váidalusa sáddet čuovvovaš čujuhussii: Valgstyret i Tjeldsund kommune, postbos 240, 9439 Evenskjer.
Sámediggeválggat
Jus galggat jienastit sámediggeválggain fertet leat mielde Samedikki jienastuslogus. Buot jienasteaddjit geat leat mielde jienastuslogus, ožžot válgakoartta ovdal sámedikkeválggaid. Váldde vára koarttas ja váldde mielde dan go galggat jienastit.
Jus it leat ožžon válgakoarta ovdal sámediggeválggaid, fertet váldit oktavuođa Sámedikkiin. Telefonnummar lea 78 47 40 00. Oaččut maid dieđuid mii gáibiduvvo ja mot čálihat iežat Sámedikki jienastuslohkui.
Jus du namma ii leat Sámedikki jienastuslogus, ja leat dieđihan iežat, dahje jus leat eará boasttuvuođat listtuin, sáhtát váidalit. Váidalus galgá leat čálalaččat ja ákkastallon. Váidalus sáddejuvvo Sámediggái.
