Ráđđehus loahpahii distaga, cuoŋománu 5.b. rávvaga ahte orrut siiddan njeallje jándora maŋŋil koronanjoammuma.
(https://www.regjeringen.no/no/aktuelt/langsiktig-koronastrategi-for-a-normaliserehverdagen/
id2907426/).
Ođasmahtton ávžžuhusat
Ávžžuhusat covid-19 oktavuođas mat gustojit dál:
- Oro siiddan jos dovddat don leat skibas ja garvve olbmuid geain lea riskka šaddat duođas skibasin jos dus leat fáhkka vuoiŋŋahatvuolšši dávdamearkkat.
- It dárbbaš orrut siiddan 4 jándora.
- Váldde oktavuođa doaktáriin jos dárbbašat varrisvuođaveahki
- It dárbbaš váldit ruovttuiskosa. Jos aŋke oaččut positiiva iskkosbohtosa, de gustojit dat seamma rávvagat orrut siiddan jos orut leamen buohcci.
- It dárbbaš registreret positiiva ruovttuiskosiid suohkanii.
- Gustojit iežá ávžžuhusat sidjiide geain lea riskka šaddat duođas skibasin covid-19. Ávžžuhusaid gávnnat dás: Råd og informasjon til risikogrupper og pårørende (fhi.no).
Geahča maid dagat jos oaččut fáhkka vuoiŋŋahatvuolšši dávdamearkkaid: Nyoppståtte luftveissymptomer (fhi.no).
Ruovttuiskosat leat ain gávdnamis
Gaskaboddosaččat ožžot sii ruovttuiskosiid suohkanis, geat aŋke háliidit váldit iskosa. Rávvagat positiiva dahje negatiiva iskkosbohtosa oktavuođas leat dat seamma, oro siiddan jos orut leamen skibas.
Iskanstašuvnnaid doaibma jotkkojuvvo
Suohkan joatká iskanstašuvnnaid doaimma vel ovtta áiggi, earret eará dan dihte vai sáhttet duođaštit ahte olbmos lea leamašan skibas dávddain dahje duođastit negatiiva iskkosbohtosiid koronsertifikáhta oktavuođas. Váldonjuolggadus lea ahte fástadoavttir ii čađat iskaldallama iige iskaldallanguovddáš.
Čilgehus manin heaittihit doaibmabijuid
Omikronvariánta addá unnit duođalaš dávdda go ovddit variánttat, ja máŋggas leat dán boahkuhuvvon dahje leat buohcan koronas. Dat dahká ahte eanas olbmot leat bures suodjaluvvon duođalaš dávdda vuostá. Dálvvi covid-19 dávdabárru lea dál unnumin Norggas. Ii leat šat dárbu eastadit njoammuma seamma lahkái go ovdal. Lea doarvái ahte olbmot leat siiddan go dovdet sii leat skibas.
