Jos lea stuora riskka ahte šattat duođalaš skibas koronadávddas, de sáhttá leat áigeguovdili ahte oaččut divššu tableahtaid bokte. 

Tableahtat, maid gohčodit Paxlovid, unnidit riskka šaddat duođalaš skibasin. 

Lea dehálaš ahte dikšu tableahtaiguin álgá jođánit. Jos lea stuora riskka ahte šattat duođalaš skibas ja oaččut vuoiŋŋahatvuolšši, de berret iskkat leago dus korona. 

 

Geaidda leat tableahtat ávkin? 

Dikšu Paxlovid-tableataiguin lea erenoamáš ávkin golmma joavkkuide: 

  • Sidjiide geain lea heitot vuostálastinnávccat dávddaide 
  • Sidjiide badjel 65 jagi, geat eai leat boahkuhuvvon maŋïmus guhtta mánu ja geas lea duođalaš dávda
  • Buohkat badjel 80 jagi.

 

Maid dahkat jos oaččut vuoiŋŋahatvuolšši dávdamearkkaid? 

Vuoiŋŋahatvuolšši dávdamearkkat leat vuosttažettiin dievva njunni, gosahat ja čottabávččas. Dávjá lea maid feber dahje oaivebávččas. 

Jos lea stuora riskka šaddat duođalaš koronaskibasin ja oaččut vuoiŋŋahatvuolšši dávdamearkkaid, de berret váldit iežasiskosa juohke beaivvi - njealje beaivvi badjel.

Jos iežasiskkos čajeha ahte dus lea korona, de berret váldit oktavuođa iežat fástadoaktáriin dahje doavttirguovddážiin. 

Jos iskkos čájet ahte dus ii leat korona, de sáhtát vuordit váldimis oktavuođa fástadoaktáriin. 

Jos dávdamearkkat vearránit, de berret váldit oktavuođa doaktáriin vaikko iežasiskkos čájet ahte dus ii leat korona. 

 

Geain lea stuora riskka šaddat duođalaš skibasin?

Dus lea stuora riska šaddat duođalaš skibasin jos: 

  • Dus lea heitot duođalaš vuostálastinnávččat dávddaide. Ovdamearkka dihte dus lea ađaborasdávda dahje lymfeborasdávda ja oaččut dálkasa mii hehtte vuostálastinnávccaid dávddaide. 
  • Leat badjel 65 jagi, dus lea duođalaš guhkitáigge dávda itge leat ožžon boahku maŋimus guhtta mánu. 
  • Leat badjel 80 jagi. 
  • Leat badjel 50 jagi itge leat goasge boahkuhuvvon korona vuostá. 

 

Eanet dieđuid dan birra geas lea stuora riskka ja maid bargat jos šattat skibasin, gávnnat Helsenorge ruovttusiidduin

Dikšun tableahtaiguin ii boađá boahkuheami sadjái. Buoremus maid sáhtát dahket hehttemis šaddat duođalaš skibasin, lea ahte boahkuhuvvot korona vuostá. 

 

Nuvttá iežasiskosiid oaččut suohkanviesus Skániin rahpaáiggis dii. 10.00-14-00