Dielddanuori suohkan lea deavdán gáibádusa ja lea almmuhan beasatlašvuođajulggatšusa suohkana ruovttusiidui, Tilgjengelighetserklæring. Jos dus gii ásat suohkanis, leat gažaldagat dahje oaivilat suohkanii universála hábmema birra, de sáhtát váldit oktavuođa miiguin. Oktavuođadieđuid gávnnat beasatlašvuođajulggaštusas.
Dielddanuori suohkanstivra mearridii 25.10.22 áššis 90/22 ahte suohkan galgá leat mielde ovttasbarggus suohkaniid gaskka 1.1.2023 rájes Digi Romsa ja Finnmárkku bokte. Dás mii leat oassin fágalaš fierpmádagas universála hábmema fágasuorggis.
Universála hábmen- bearráigeahčču (UU-tilsynet) lea universála hábmema eiseváldi ja lea Digitaliserendirektoráhta vuollásaš. Eanet dieđuid gávnnat UUtilsynet ruovttusiiddus.
Manin beasatlašvuođajulggaštus?
Ulbmil lea nannet vejolašvuođa oasálastit ja ahte eatnasiin galgá leat vejolašvuohta oažžut dieđuid min servodagas, beroškeahttá makkár doaibmavádjidat sus leat.
Hálddahusa bealis lea mis fokusa dása ja mii bargat aktiivvalaččaid áššiin.
Maŋimus vahkku leat mii muitalan dán barggu birra Doaimmashehttejuvvon olbmuid ráđđái ja Boarrasiidráđđái.
Deavdin dihte universála hábmema gáibádusaid, de leat mis fokus čuovvovaš áššiide:
- Mii áigut njulget daid spiehkastemiid ruovttusiiddus mat eai leat beasatlašvuođajulggaštusa gáibádusaid mielde, sihke ruovttusiiddu lágideaddji bealis ja maiddái suohkana bealis.
- Mii galgat maid ráhkadit beasatlašvuođajulggaštusa fágavuogádagaide maid mii geavahat. Dainna bargguin leat mii álgán ja leat dán rádjái almmuhan beasatlašvuođajulggaštusa fágavuogádagaide WebCruiter ja Bibliofil.
- Mii áigut maid bargat ášše- ja arkiivavuogádaga málliiguin. Mii almmuhit dokumeanttaid ášše-ja árkiivavuogádagas poastalistui ja čoahkkindokumeanttaid čoahkkinkaleandarii.
- Mii áigut oahpahit ruovttusiiddu artihkalčálliide universála hábmema gáibádusaid birra.
