Maŋŋil go suohkanstivra lei mearridan ahte Dielddanuori suohkan galggai ásaduhttit 30 dorvoohcci, de suohkan almmuhii dárbbu láigoviesuide ja lihkkus nagodii skáhpput eanet viesuid.
2023 ovddas lea mearriduvvon ahte suohkan joatká ásaiduhttinmiin ja váldá vuostá 20 dorvoohcci. Mii oaidnit danin dárbbu jearrat ain eanet viesuid maid sáhttit láigohit. Dán rádjái leat mii ásaiduhttán dorvoohcciid Skániid guovddážii ja das lahkosii, go mii oaidnit ahte lea stuora ovddamunnin sidjiide ahte ieža sáhttet mannat gávppiide, skovlái ja oahpistanprográmmii.
Go dan leat dadjan, de oaidnit mii ahte soaitá leat váttis skáhpput doarvái láigoviesuid juste Skániid guovddážis, nu ahte mii viiddidat ohcama Unca Skániid rájes gitta Breistrandii/Loabákii. Dáidda guovlluide manná skovlábusse beaivválaččat, mii dahká ahte lea vejolaš sihke rávis olbmuide ja mánáide beassat Skániid guovddážii.
Jos dus lea viessu/bearašviessu maid sáhtát láigohit Dielddanuori suohkanii veahkehan dihte ásaiduhttiimiin, de váldde oktavuođa dorvoohccibálvalusain Silje Elvenes Liseth bokte, su šleađgapoastta dahje telefovnna bokte.
Šleađgapoasta: silje.liseth@tjeldsund.kommune.no
Telefovdna: 416 95 455
