Bálvalusčilgehus

Varrisvuođastašuvdna lea vuosttašcealkkefálaldat mii lea nuvttá ja lea oassin suohkana varrisvuođabálvalusas, Go leat riegádahttán dahje adopteren máná, váldde oktavuođa varrisvuođastašuvnnain nu ahte sáhttit soabadit áiggi goas galledit du siidda ja viidáset deaivvademiid. Bearrašat geat aiddo leat fárren suohkanii, ávžžuhuvvojit váldit oktavuođa varrisvuođastašuvnnain. 

Min bargu ii leat dikšut buohcci mánáid. Jos du mánná lea buohcci, fertet váldit oktavuođa du fástadoaktáriin.  

Varrisvuođastašuvdna 0-5 jahkásaččaide čuovvu máná ja dan váhnemiid riegádeamis gitt skovláahkái. Varrisvuođastašuvnnas oaččut dávjá čuovvoleami varrisvuođabuohccidivššáris. Varrisvuođastašuvnnas deaivvat maid doaktára (fásta deaivvademiide), ja varrisvuođastašuvnna bargiid. Ahpeheami áigodagas čuovvu čalbmeroggangeret du fásta deaivvademiiguin ja fitná du siidas go leat riegádahttán (geahča čalbmeroggangeretbálvalusa čilgehusa). Varrisvuođastašuvnnas 0-5 jahkásaččaide čađahit iskkademiid máná varrisvuođas ja boahkuhit mánáid dan rájes go leat riegádan dassážii go álget skovlái. 

Oktavuođadieđut

Dielddanuori varrisvuođastašuvnna gávnnat dáppe: Revegårdsveien 10, 9440 Evenskjer.
 
Mii leat seamma viesus go ETS medisiinnalaš guovddáš ja olggobealde lea parkerensadji.   

Tlf. 90171088 (telefovdnaáigi distaga, gaskavahku ja bearjadaga dii. 09.00 - 14.00)

Sáhtát maid sáddet dieđuid midjiide Helsenorge dahje Helsenorge appa bokte maŋŋil go leat ráhkadan alccet Digitála arkiivva iežat máná bealis.  
 
Varrisvuođabuohccidivššárat geat dál bargaba Dielddanuori suohkana varrisvuođastašuvnnas leaba Anne Irene Granhus ja Rita Karlsen Høgli.
 
Fágaovddasvástideaddji varrisvuođabuohccidivšár Dielddanuori suohkanis lea dál Susanne Darre: tlf 902 01 496.

Min deaivvadeamit

Go mánná lea:

  • 7-10 beaivvásaš: Varrisvuođabuohccidivššár fitná siiddain
  • 2-4 vahkkosaš dárbbu mielde: Varrisvuođabuohccidivššár 
  • 4-8 vahkkosaš: Seaŋganissonjoavku
  • 6 vahkkosaš: Varrisvuođabuohccidivššár ja doavttir 
  • 8 vahkkosaš: Ságastallamat ja eatni psykalaš varrisvuođa karten ovttas varrisvuođabuohccidivššáriin 
  • 3 mánnosaš: Varrisvuođabuohccidivššár. Boahkuheapmi.
  • 4 mánnosaš: Joavku ovttas fysioterapeutain ja varrisvuođabuohccidivššáriin 
  • 5 mánnosaš: Varrisvuođabuohccidivššár. Boahkuheapmi. 
  • 6 mánnosaš: Varrisvuođabuohccidivššár ja doavttir
  • 8 mánnosaš: Varrisvuođabuohccidivššár
  • 10 mánnosaš: Varrisvuođabuohccidivššár
  • 12 mánnoaš: Varrisvuođabuohccidivššár ja doavttir
  • 15 mánnosaš: Varrisvuođabuohccidivššár. Boahkuheapmi. 
  • 2 jahkásaš: Varrisvuođabuohccidivššár ja doavttir. 
  • 4 jáhkasaš: Varrisvuođábuohccidivššár. 
 
 
Lassin fásta deaivvademiide, fállá varrisvuođabuohccidivššár maiddái: 
  • Bagadallan «Psykologalaš álgoveahkki»/ Veahkkegiehta 
  • Váhnenbagadalla (CosP/Trygghetssirkelen), váldde oktavuođa.
  • Liige siidagalledeapmi dárbbu mielde
  • Árrat-sisa:  Árrat Intervenšuvdna (kártenreiaddut ja sagastallanmetodihkka go deaivvada áhpehemiiguin ja njuoratmánáváhnemiiguin čuovvovaš surggiin: psykalaš varrisvuohta, gárrenmirkkut ja illásteapmi lagas oktavuođain áhpehisvuođa vuolde ja 8 váhkkosaš deaivvadeamis).

Varrisvuođaprográmma ulbmil lea:

  • ahte váhnemat vasihit sii hálddašit váhnenrolla
  • veahkehit oažžut buorre oktavuođai váhnemiid ja máná gaskka
  • ovddidit njuoratmáná ja smávvamáná fysalaš, psykalaš ja sosiála ovdáneami  
  • eastadit, hehttet ja fuobmát illástemiid, veahkaválddálašvuođa ja dorvováilli 
  • fuobmát árrat fysalaš ja psykalaš ovdánanváilli 
  • veahkehit ahte mánná oažžu čuovvoleami ja viidáset veahki dárbbuid mielde 

Lassin fásta deaivvademiide varrisvuođastašuvnna prográmma mielde, ávžžuhit Mánnáoažžundorvvu nationála fágalaš njuolggadusat ahte čalbmeroggangeret galleda máná siidda maŋŋil go lea riegádan.  
 
Varrisvuođabuohccidivššár oasálastá maid Fágarasttideaddji Joavkkus (Tverrfaglig Team) ovttas suohkana mánáidgárddiiguin (fágarásttideaddji anonyma sagastallan) ja sáhttá veahkehit bargiid rávvagiiguin ja bagadallamiin iešguđet fáttain ja ovttaskasáššiin. Dás sáhttet váhnemat ieža váldit oktavuođa ja oasálastit ságastallan dihte iežas dili birra ja oažžut doarjaga, rávvagiid ja bagadallama iežas máná dáfus. 
 
Jos dus lea mánná geas leat erenoamáš dárbbut dahje geas lea guhkálmas buozalmasvuohta dahje lea doaimmahehttejuvvon dilis, boahtá varrisvuođastašuvdna bargat ovttas eará varrisvuođabargiiguin vai mánná oažžu rievttes fálaldaga. 

Varrisvuođastašuvnnas lea erenoamáš ovddasvástádus gozihit mánáid ja bearrašiid, geat lea váttis eallindilis, ja oamardit ahte sihke mánát ja daid váhnemat ožžot veahi ja čuovvoleami. 

Bálvalus lea nuvttá.