Dielddanuori suohkan lea ožžon lassin 446.000 ruvnno suohkanlaš buhtadusortnegin báikkálaš doaimmahusaide. Ruđat galget addot heahtedoarjjan doaimmahusaide mat leat erenoamáš garrasit váikkuhuvvon báikkálaš ja/dahje nationála doaibmabijuin eastadit njoammuma go servodat ođđasit fas giddejuvvui 2021 čavčča.
Ortnega ulbmil
Ortnet galgá leat báikkálaš doaimmahusaide main lea likviditehtahástalusat ja mat leat erenoamážit váikkuhuvvon báikkálaš dahje nationála doaibmabijuin eastadit njoammuma dahje ekonomalaš vuoládusas covid-19 rohttudávdda geažil. Doaimmahusat mat gullet ortnega ulbmila vuollái sáhttet oažžut doarjaga gokčat duođaštuvvon goluid ja táhpaid servodatgiddema ja/dahje gálvojohtolaga unnuma geažil maid covid-19 rohttudávda lea dagahan, dahje leat ožžon lassi goluid maŋŋil skábmamánu 1.b. 2021 ásahuvvon njoammuneastadandoaibmabijuid geažil.
Ulbmiljoavkkut:
- Doaimmahusat mat leat vásihan gálvojohtutáhpa/sisaboađustáhpa ja/dahje lassi goluid maŋŋil go ásahedje njoammuneastadandoaibmabijuid skábmamánu 1.b. 2021.
- Dušše doaimmahusat Dielddanuori suohkanrájáid siskkobealde ja main lea čujuhus Dielddanuori suohkanis sáhttet oažžut doarjaga.
Ohcanskovvi ja eanet dieđuid ohcangáibádusaid birra: www.regionalforvaltning.no
Ohcanáigi: Guovvamánu 23. b. 2022
Jos leat gažaldagat ortnega birra, váldde oktavuođa: Fágaovddasvástideaddji Ealáhus Einar Aune, mob.90231747, šleađgapoastta bokte: einar.aune@tjeldsund.kommune.no
