Lea šiehtaduvvon ođđa soahpamušat šibitdoavttirváktabálvalusaide mat leat fámus ođđjagimánu 1.b. rájes 2022, ja gustojit Evenáššái, Dielddanuorrái, Hársttáide ja Kvæfjordenii (earret Guollevuona davábeale). Lea šiehtaduvvon váktasoahpamuš golmma šibitdoavttirfitnodagaiguin, mat vurrolagaid čađahit váktabálvalusa.
Álgoálggus geahččaluvvui ásahit váktabálvalusa mii earuha stuora elliid/buvttadanelliid ja unná elliid/biebmoelliid gaskka. Dán ii lea vejolaš danin go leat beare unnán šibitdoaktára geain lea vejolašvuohta dahje dáhttot leat mielde váktaortnegis.
Maŋŋil proseassa 2021 čávčča goas vižže fáladagaid ja dan maŋŋil čuovvovaš šiehtadallamiid, lihkostuvvui oažžut sadjái oktasaš váktaortnega mii gokčá goappaš beliid.
Ođđa telefunnummir šibitdoavttirváktii
Oassin buoridit šibitdoavttirváktavuogádaga lea ásahuvvon ođđa váktatelefonvuogádat. Šibitdoaktárat geat leat mielde váktaortnegis, geavahit dán vuogádaga bálvalan dihte váktaortnega.
Lea ásahuvvon telefunnummir Hársttáid suohkana telefunvuogádaga bokte. Nummir lea 770 27000
Buohkat geat dárbbašit oktavuođa šibitdoaktáriin gaskal dii. 16.00 ja 08.00 árgabeivviid, vahkkoloahpaid dahje lihkadeaddji bassebeivviid, galget rinŋet dán nummira.
Dát beroškeahttá leago stuorra ealli/buvttadanealli dahje unná ealli/biebmoealli masa dárbbaša veahki. Sin telefovnnat biddjojit dakkaviđe dan šibitdoaktárii geas lea vákta juste dalle. Jos dán nummárii riŋge bargoáiggis árgabeivviid, de ožžot dieđu ahte dát leat váktatelefovdna man eai vástit baroáiggis dábálaš árgabeivviid, ja ahte fertejit váldit oktavuođa šibitdoavttirklinihkain mii lea rabas dahje sin buvttadusealli šibitdoaktáriin.
Dat ođđa váktatelefunnummár lea juo doaimmas ja sáhttá dasa riŋget.
