Suohkanplánii galgá ráhkaduvvot guokte oasi: servodatoassi ja areálaoassi.

  • Servodatoassi galgá leat suohkana višuvnna birra, guhkitáigge strategiija das mo Dielddanuorri dego servodat ja mo suohkan dego doaibma galgá ovdánahttot ovddasguvlui. Dán oasis biddjojit láidestusat buot plánabargguide suohkanis.
  • Areálaoassi lea juridihkalaččat geatnegahtti ja čájeha gos mii galgat bargat maid. Dát oassi suohkanplánas čájehuvvo kártta bokte ja dasa gullevaš geavahan-, suodjalan- ja hábmenmearrádusat suohkanis.

Dielddanuori suohkan lea suohkanplána 2021-2033 servodatoasi barggu oktavuođas bovdemen suohkana ássiid buktit oaiviliid dasa mii berrešii leat mielde servodatoasis. Lea dehálaš ahte suohkanássit ja sii geat dovdet Dielddanuori buoremusat, leat mielde hábmemen servodatoasi sisdoalu.  

 

Oassin suohkanássiid oasálastimis lea ahte dál galget lágiduvvot golbma fáddáčoahkkima:

  • Vuossárgga, čakčamánu 27.b. dii. 1800-2030 fáttáin ealáhus ja gealbu.  Fáddáčoahkkima ulbmil lea oažžut oaiviliid ealáhusoasálaččain mo mii ovttas sáhttit ovdánahttit ealáhusa ja gealbbu Dielddanuoris. Mii sávvat ahte ealáhusoasálaččat suohkanis dieđihit iežaset čoahkkimii ja juogadit iežaset gealbbu. Čoahkkima fáttá vuođul mii vuoruhit ealáhusoasálaččaid dieđiheami oktavuođas.

 

  • Gaskavahku, čakčamánu 29.b. dii. 1800-2030 fáttáin álbmotvarrisvuohta ja eallinkvalitehta. Dán fáddáčoahkkima ulbmil lea defineret mii dahká Dielddanuori fátmmasteaddji ja bures láhččojuvvon servodahkan buohkaide čalmmustahttimen doaimmaid, lagasbirrasa ja ovttasbarggu. Dán čoahkkimii mii sávvat ahte joavkkut ja searvvit, eaktodáhtolašvuohta ja earát geain lea beroštupmi dán fáttás, dieđihit iežaset čoahkkimii ja juogadit iežaset gealbbu.

 

  • Duorastaga, čakčamánu 30.b. dii. 1800-2030 fáttáin geasuheaddji ássansuohkan.  Dán fáddáčoahkkima ulbmil lea defineret mii lea mii dahká Dielddanuori geasuheaddjin ássansuohkanin, ja dan vejolašvuođa ovdánahttot viidáseappot.

Fáddáčoahkkimat lágiduvvojit Tjeldsundbrua Kro:s, ja lea sadji sullii 40-60 olbmuide (vuhtiiváldimis mehter-gáibádusa) juohke čoahkkimii. Dieđiheapmi čoahkkimiidda sáhttá dahkat dákko 

Mii ráhkadat sierra lágidemiid nuoraid oasálastimiidda maŋŋelaš.

Lea ráhkaduvvon jearahallan, mii lea oassin dán barggus. Jearahallan lea digitálalaččat ja dan sáhttá vástidit sihke dáro- ja sámegillii dás 

Áigemearri vástidit jearahallama lea čakčamánu, 01.10.2021 dii. 12.00.