Ođđa suohkanplánii galgá ráhkaduvvot oktiibuot guokte oasi: servodatoassi ja areálaoassi.

  • Servodatoassi galgá leat suohkana višuvnna birra, guhkitáigge strategiija das mo Dielddanuorri dego servodahkan ja mo suohkan dego doaibman galgá ovdánahttot ovddasguvlui. Dán oasis biddjojit láidestusat buot plánabargguide suohkanis.
  • Areálaoassi lea juridihkalaččat geatnegahtti ja čájeha maid mii galgat bargat gos. Dát oassi suohkanplánas čájehuvvo kárttaiguin ja dasa gullevaš geavahan-, suodjalan- ja hápmemearrádusaguin suohkanis.

Nugo namuhuvvon, de bargá Dielddanuorri suohkan dál servodatosiin. Suohkaniid oktiičaskima oktavuođas lea bajimuš višuvdna leamaš “ollálahkii”, ja váikkuhusat suohkana ássiid bealis ja sis, geat dovdet Dielddanuori buoremusat, lea danin dehálaš oassi deavdin dihte dán višuvnna.

Mii čađahit dál jearahallama mii lea álgun ássiid váikkiheamis. Dat lea namahis ja oanehis jearahallan mii ádjána sullii 5-10 minuvtta vástidit gažaldagaid, ja dan sáhttá dahkat sihke dárogillii ja sámegillii. Jearahallama vástádusaid vuođul ráhkaduvvo raporta mii boahtá leat vuođđun servodatoasi bargui. Áigemearri vástidit jearahallama lea 01.10.2021 dii. 12.00.

Jearahallama gažaldagaid sáhtát vástidit dás 

Lea maid plánas lágidit eanet váikkuhusjearahallamiid ássiid bealis, muhto dat boahtá maŋŋil dán jearahallama. Dieđuid dan birra almmuhuvvojit dađistaga suohkana ruovttusiidui, nu ahte čuovo mielde!

Jearrahallan lea gávdnamis bábirhámis buot suohkana girjerádjosiin.

Leatgo dus gažaldagat? Váldde oktavuođa:

Trine Rønning-Nilsen: trine.ronning-nilsen@tjeldsund.kommune.no

Anita Swan Olsen: anita.olsen@tjeldsund.kommune.no