Vaikko leat unnán nuorat geat buohccájit koronavirusis, de lea veaháš njoammun 16-17 jahkásaččaid gaskka. Boahkuheapmi suodjala dan moaddása, geat sáhttet buohccát duođalaččat jos daidda njoammu virus, ja lassin vel unnidit njoammuma servodagas. Lea dárbbalaš ahte njoammun unnu nu ahte sáhttit geahpedit gáržžidemiid mat leat leamašan noađđun nuoraide pandemiija vuolde. Nugo vuorraset olbmuide, de addit boahkuhanfálaldaga buohkaide geat leat riegádan 2004 ja 2005, ja dat guoská 127.000 nuoraide. Eatnasat leat deavdán 16 jagi, ja varrisvuođa dáfus leat sii válddalačča ja sáhttet ieža miehtat boahkuhuvvot. Goappaš váhnemat ferteba miehtat boahkuhit nuoraid, geat leat riegádan 2005 eaige leat deavdán 16 jagi, 

Sihke BioNTech/Pfizer (Comirnaty) vaksiidna ja Moderna (Spikevax) vaksiidna leaba dohkkehuvvon geavahit mánaide 12 jagi rájes. Lea dovddus ahte sáhttá oažžut myokarditt (čohkkevuolši) maŋŋil go lea boahkuhuvvon mRNA-vaksiinnain, muhto dát dáhpáhuvvá hárve. Dát vihki dáhpáhuvvá dávjjit nuorra ahkejoavkkuin, nuorra bártniid gaskka ja dábálaččat maŋŋil vuosttaš boahkuheami. Mii eat dieđe man dávjá dát dilli lea. Davvi -Ameriihkás lea dieđihuvvon ahte 100 000 boahkuhuvvon bártniin nuoraid agis ledje 7 geat šadde dán dillái, dasgo Isrealas lea dakkár dilli meroštuvvon dápáhuvvan dávjjit. Ođđaset dutkan čájeha at dát lea vássevaš dilli mii čuožžila maŋŋil boahkuheami, ja eatnasat geat leat boahkuhuvvon, dearvvašnuvvet mánus sisa maŋŋil boahkuheamija sis lea buorre prognosa. FHI lea maid viežžan ráđiid norgga čoahkkespesialisttain geat oavvildit ahte dát hárvenaš váikkuhus ii berre hehttet nuoraid oažžumis boahkuhanfálaldaga. Covid-19 dávda nuorain sáhttá mielddisbuktit duođaleabbon váikkuhusaid čohkkái go dát dilli maid oaidná maŋŋil boahkuheami. 

 

Jos dáhtut boahkuhuvvoŧ, de sáhtát registreret iežat Helseboka bokte dahje váldit oktavuođa boahkuhantelefovnnain, árgabeivviid dii 09-11, tlf nr 94796421.

Registreren Helseboka bokte: https://helseboka.app/helseboka/checkin/staff/497294

 

Jos leat riegádan 2005, muhto it leat deavdán 16 år, de ferte dus leat mielde vuolláičállon miehtanskovvi, man goappaš váhnemat galget leat vuolláičállán (jos sudnos ii leat oktasaš fuolahus):

Miehtanskovvi boahkuhit nuora covid-19 vuostá