Dielddanuori suohkanis lea formálalaš ovttasbargu Hársttáid suohkaniin buollinbálvalusa birra, muhto váldosivvan dasa ahte sáhttet leat máŋga buollinbálvalusa báikkis go mihkkege dáhpáhuvvá, lea ahte min suohkan sáhttá oažžut veahki eará buollinbálvaluisain go lea dárbu. Ja mii sáhttit veahkehit earáid.
Go boahtá alárbmadiehtu, de árvvoštallo álo mii dáhpáhuvvá ja makkár doaimmaid ferte bidjat johtui. Muhtumin lea dárbu sihkkarastit dáhpáhusa dan bokte ahte dieđiha eará buollinjoavkkuide lassin iežamet buollinjoavkkuide. Dat sáhttet leat buollinjoavkkut ránnjásuohkaniin, muhto dát guoská maiddái siskkaldasat iežamet suohkanis gos mis leat golbma buollinjoavkku, mat barget ovttas nu ahte barggut dáhpáhusaid vuolde čađahuvvojit riekta.
Buorre gearggusvuohta gáibida buori ovttasbarggu, ja leage geavatlaš boađus maid mii muhtumin oaidnit dáhpáhusaid oktavuođas.
