Dán rádjái lea duođaštuvvon ahte 17 olbmuin lea covid-19, ja guokte maŋimuš njoammuma duođaštuvvui vuossárgga eahket. Sihke boahkuhuvvon olbmuide ja olbmuide geat eai leat boahkuhuvvon, lea njommon covid-19. Olbmot geaid iskosat leat positiivva ja sin lagamuččat leat erremis. Iskosiid váldet dađistaga. Iskosiid váldet vaikko eai leat čielga dávdamearkkat, ja sihke ovddit beaivve ja ikte leat váldán ođđa iskosiid. Beaivvalaččat oažžut iskkosbohtosiid. Eai leat makkárge mearkkat dasa ahte njoammun lea leavvan olbmuide olggobeallái fitnodaga.
Dielddanuori suohkan bidjá ollu návccaid eastadit njoammuma ja válmmašvuođajođihangottis lei ikte čoahkkin Grovfjord Mekaniske Verksted:in (GMV) kárten ja čielggadan dihte njoammundili. Lea gábideaddji kártet ja guorrat njoammuma dannego leat máŋga eará fitnodaga/vuolit lágideaddjit maid doaimmat leat čadnon GMV:i. Njoammundilli ii leat vel kontrolla vuolde.
Fitnodat čađahii ovddit beaivvi mearriduvvon doaimmaid. Válmmašvuođajođihangoddi lea GMV ipmárdusa mielde ikte mearridan sirdit njoammuduvvon olbmuid eanet heivvolaš sirrenlanjaide.
GMV lea ožžon lobi fas álggahit buvttadeami veahážiid mielde bargiiguin geat leat boahkuhuvvon, dahje áiddo leat boahtán ja iskosiid/sertifikáhtaid bokte leat dohkkehuvvon ja muđui eai leat definerejuvvon leat lagašoktavuohtan.
Válmmašvuođajođihangoddi čuovvo dili dárkilit. Ávžžuhusat Dielddanuori suohkanis olbmuide Roabadálu guovllus ovddit beailli ahte geavahit njálbmesuoji jos ii sáhte doalahit mehtera gaskka earáide, ain gusto. Muđui ávžžuhuvvo čuovvut dábálaš njoammueastadanrávvagiid.
Dielddanuori suohkanis lea buorre kapasitehta váldit covid-19 iskosiid. Buot olbmot geat dál vasihit vuoigŋanváttisvuođaid ávžžuguvvojit váldit iskosa. Rahpanáigi iskkosváldimii viiddiduvvo dárbbu mielde. Olbmot geat dáhttot váldit iskosiid, sáhttet diŋgot áiggi helseboka bokte dahje riŋget pandemiijatelefuvdnii 90284955.
Jearaldagat dili birra sáddejuvvojit sleađgaposta mielde čuovvovaš čujuhussii: beredskap@tjeldsund.kommune.no.
Oktavuođaolmmoš mediai: Sátnejođiheaddji Helene Berg Nilsen 912 45515
