Bálvalusčilgehus

Lea oktasaš čalbmeroggangeretbálvalus Dielddanuori ja Evenášši suohkaniin. Kanturbáiki lea Dielddanuori varrisvuođastašuvnnas, Revegårdsveien 10, 9440 Evenskjer.
 
Čalbmeroggangeret lea Dielddanuori varrisvuođaštašuvnnas juohke distaga ja duorastaga ja juohke nuppi bearjadaga (leaskalohkuvahkus)/ vuossárgga (bárralohkuvahkus). 
 
Gulahallan čalbmeroggangeregiin berre dahkkot SMSa bokte, telefovdna 902 15 520. Čalbmeroggangeret váldá dasto oktavuođa duinna ja bidjá dutnje deaivvadanáiggi. FUOM: ale sádde varrisvuođadieđuid SMS bokte. 

Go čalbmeroggangeret lea ráhkadan áhpehisvuođajournála dutnje, de sáhtát váldit oktavuođa čalbmeroggangeregiin ássiiddialogá bokte Helsenorgga siidduin. 
 
Sáhtát váldit oktavuođa čalbmeroggangeregiin nu jođánit go leat šaddan áhpeheapmen. Lea áigumuš ahte vuosttaš deaivvadeapmi čalbmeroggangeregiin dáhpáhuvvá ovdal 12. áhpehisvuođavahku. Čalbmeroggangeret fállá čuovvoleami áhpehisvuođa áigodagas nationála varrisvuođadirektoráhta áhpehisvuođa dorvobagadeami mielde (geahča liŋkka vuollelis). Dábálaš fáttat áhpehisvuođa oktavuođas leat earret eará eallindábit, fysalaš ja psykalaš varrisvuohta, váhnenguovttos ovttaseallin ja ráhkaneapmi váhnenvuhtii.   

Sihke Dielddanuori ja Evenášši suohkanat lea nugohčojuvvon "Árrat sisa", mii mearkkaša ahte mis várrisvuođastašuvnnas lea fokus (šaddi) áhči/eatni alkoholadábiide, psykalaš varrisvuhtii ja vejolaš vásáhusaide illástemiin. Ságastaladettiin geavahuvvojit kártenreaiddut ja dárbbu mielde fállojuvvo liige doarjja, bagadeapmi ja fágarasttideaddji ovttasbargu. Áhči/eatni hástalusat čadnon namuhuvvon áššiide, sáhttet láivudit relašuvnna mánnái, sáhttet leat negatiiva váikkuhusat áhpehisvuođa bohtosii ja váikkuhit máná varrisvuođa ja ovdáneami. 

Ulbmil "Árrat Sisa":in lea danin ahte áhpeheamit ja smávvamánáidbearrašat árrat ožžot dohkálaš veahi gárrenvuođa, psykalaš varrisvuođa ja illásteami dáfus fágarasttideaddji ovttasbarggu bokte. Dát lea varrisvuođadirektoráhta áhpehisvuođa- ja mánnaoažžundorvvu njuolggadusaid mielde (geahča liŋkka vuollelis). 

Nationála mánnáoažžundorvvu njuolggadusaid mielde galgá čalbmeroggangeret fitnat siiddain 1.-3.beaivvi maŋŋil go lea guođđán riegádahttinossodaga.  
 
Čalbmeroggangeret geavaha dárbbu mielde dulkka telefovnna bokte (nuvttá fálaldat).