Logut leat vuođđuduvvon vuosttažettiin suohkaniid raporttaid ala dan váttis koronajagis 2020. Vuosttaš geardde máŋgga jagis lea leamaš vejolaš čohkket buot 151 váldologuid áššáiguoski diehtogálduin.  

Dán jagáš suohkanbaromehter almmuhuvvui borgemánu 27.b. Konsberg lea dán jagáš vuoiti. 

Dielddanuori suohkan lea 204. sajis, mii lea veaháš vuollelis gasku dan 356 suohkaniin. Mii sáhttit bures illudit go leat goalmmádin Romssas ja Finnmárkkus, dušše Romsa (175. sajis) ja Hárstták (120. sájis) leaba ovdalis min!

Mii Dielddanuoris galgat leat duhtavačča go leat njealjádin daid suohkaniid gaskka, mat leat gorgŋon diimmá jagi ektui. Jagi 2020 bođiimet 339 sadjái ja goargnuimet 135. saji 204. sadjái 2021 baromehteris. Maŋimuš diehtu namuhuvvui čakčamánu 2.b. Kommunal Rapport vahkkoáviissas. 

Min ránnjásuohkanat bohte muđui ná: Áhkánjárga 218. sadjái, Giehtavuotna 277. sadjái, Evenášši 307. sadjái, Ivvárstádik 331. sadjái ja Loadegat 334. sadjái. 

Suohkanbaromehtera oasážis dás vuolábealde čájehuvvo makkár árvvuid oažžuimet 12 bálvalussurggiin. 

Dat golbma suorggi mas oažžuiment buoremus árvvuid, lei Mánásuodjalus, gos bođiimet 21. sadjái buot suohkaniid gaskka, Áššemeannudeapmi, gos bođiimet 50. sadjái ja Sosiálabálvalus, mas bođiimet 59. sadjái. 

Suorggit goas oaččuimet heajomus árvvuid, lei Kultuvra, gos bođiimet 332. sadjái, Gollodássi, gos bođiimet 316. sadjái, ja Ekonomiija gos bođiimet 308. sadjái. 

 

Bilde1.png

Bilde2.png

 

Ráđđeálmmájin lean duhtavaš ahte mii oaččuimet nu buori bohtosiid dan ođđa suohkana doaibmajagis ja buot maid dat mielddisbuvttii sihke rievdadusaid ja heivehusaid dáfus. Dat lea gal nu ahte leat máŋga beali ja mihttočuoggá mat leat oassin Suohkanbaromehteris nu ahte min sadji riikavidosaččat ja fylkkaid dáfus ferte geahččat ollislašvuođas. Dat buoremus ja deháleamos maid mii galgat dahkat ovddosguvlui lea ahte mii čađat ovdánit ja šaddat buoret mihtiduvvon áiggi badjel. Dán jagáš mihtiidemiin leat mii bidjan iežamet vuosttaš referánsačuoggáid viidáset ovdánahttimis. Mii diehtit gokko mii ain galget ovdánit ja mii diehtit maid mii galgat bajásdoallat ja bisuhit! 

Mii Dielddanuoris - Ollálahkii!

 

Torbjørn Simonsen

ráđđeálmmái