Jienstanbiiret Dielddanuoris leat rievdaduvvon

Dutnje, gii háliidat jienastit válgabeaivvi čakčamánu 11.b., lea okta dehálaš rievdadus. Suohkanstivra lea mearridan unnidit jienastanbiirelogu gávccis viđádii. 

Vuopmegeahči lea heaittihuvvon ja časkkon oktii jienastanbiriiin Skániid. Fjelldal ja  Ramsund leaba heaittihuvvon ja časkkon oktii jienastanbiiriin Ramsund.

 

Maid mearkkaša dat dutnje gii áiggut jienastit?

Jienastanbeaivvi lea mis elektrovnnalaš merken jienastuslogus, ja dat mearkkaša ahte sáhtát jienastit juste dan jienastanbáikkis suohkanis gos háliidat. Muhto, soiatá ahte dat jienastanbáiki go lávet jienastit, lea sirdojuvvon. Almmuhuvvo maŋŋil gosa bidjet jienastanbáikkiid. 

Ođđa jienastanbiiret 2023 rájes leat: 

Biire Namma
01 Skániid
02 Sáhtin
03 Roaba
04 Kongsvik
05 Ramsund

 

Registreren bellodatregistaris - áigemearri lea ođđajagimánu 2. b. 2023

Go ásaha ođđa bellodaga, de sáhttá dan registreret Ovttadatregistaris (Enhetsregisteret) ja Bellodatregistaris. Jos registrerejuvvon dieđut galget leat fámus válgga oktavuođas, de ferte Bellodatregistar (Partiregisteret) leat ožžon ja journálii čálihuvvon dieđu ovdal ođđajagimánu 2.b. válgajagis. Sáhtát sáddet registerendieđuid oktanaga sihke Ovttadatregistarii ja Bellodatregistarii.  

 

Ii leat gáibádus ahte listuevttohus galgá leat čadnon registrerejuvvon politihkkalaš belodahkii. 

Ráhkadit listtu váldii? Áigemearri lea njukčamánu 31.b. 2023 dii 12.00

Áigemearri buktit listuevttohusa suohkanstivraválgii lea njukčamánu 31.b. 2023 dii 12. Áigemearri lea eandalii. 

Válgadirektoráhtta lea 2023 válgga rájes ráhkadan elektrovnnalaš portála man bokte sáhttá addit listuevttohusaid. Dán čovdosa sáhttá geavahit jos áigu ráhkadit listuevttohusa, čohkket vuolláičállimiid ja sáddet listuevttohusaid suohkanstivra-, fylkadigge- ja stuorradiggeválggaide. Čoavddusa ulbmil lea álkkidahttit listuevttohusaid  proseassa.  

Sáhtát válljet áiggut go geavahit elektrovnnalaš čovdosa, dahje ráhkadit listoevttohusa bábirhámis. Seamma njuolggadusat gustojit goappaš vugiide. 

Sáhtát lohkat Valgdirektoráhta siidduin dárkileappt gáibadusaid birra go áiggut ráhkadit listuevttohusaid. 

Go ráhkadat listuevttohusaid bábirhámis, de mii ávžžuhat ahte geavahat daid málliid maid Válgadirekoráhta lea ráhkadan: Listuevttohus bábirhámis- mállet

 

Listuevttohus bábirhámis galgá buktit Dielddanuori ráđđevissui, Diehtojuohkin ja dokumeantaguovddážii, Skånlandsveien 72/76, Skániin. Áigemearri buktit evttohuaid lea njukčamánu 31.b. dii. 12.00.