NAV Lulli-Romsa

NAV Lulli-Romssas lea ovddasvástádus addit bálvalusaid álbmotoadjolága, bargomárkanlága ja lága mielde sosiála bálvalusaid birra NAVas. Kantuvra galgá lea aktiivvalaš servodataktevra, ja addit olbmuide, geat dárbbašit veahki, vejolašvuođa oažžut barggu, oahpahusa ja doaimmaid buori ovttasbarggu bokte oahpahussurggiin ja ealáhusdoaimmaiin. 

Jos dárbbašat ságastallat du bagadalliin, de váldde oktavuođa Du NAVain. Mii ávžžuhit buohkaid atnit min digitála čovdosiid: nav.no, Du NAV, Doaibmaplána, chat jna. 

Dás oažžut ofelastima bálvaluaid maid soaittát dárbbašit: Priváhttaolmmoš - nav.no

Mii ávžžuhit buohkaid geat dárbbašit ohcat sosiála bálvalusaid dahje sosiálaveahki, ohcat digitálalaččat. Dieđut sosiála bálvalusaid ja ekonomálaš sosiálveahki birra gávnnat navn.no ja ovttaskas suohkana ruovttusiiddus.  

Galledančujuhus ja rahpanáiggit go it leat soahpan áiggi

Dielddanuorri        
Vuossárgga: dušše sidjiide geat leat soahpan deaivvadanáiggi
Maŋŋebárgga: 12:00 – 14:00
Gaskavahkku: dušše sidjiide geat leat soahpan deaivvadanáiggi 
Duorastaga: 12.00 - 14.00
Bearjadaga: dušše sidjiide geat lea soahpan deaivvadanáiggi

Sáhtát soabadit čoahkkima iežat bagadeddjiin olggobealde dáid rahpanáiggiid. 

Galledančuuhus: Hjørnegården – Skjærran 1, Skániin

Poastačujuhus: NAV Sør-Troms, Postboks 24, 9481 Harstad

NAV Oktavuođaguovddáža telefovdna 55 55 33 33

Vuossárgga - bearjadaga dii. 08:00 – 15:30

NAV sosiála bálvalusat fátmmastit dieđuid, neavvuma ja bagadallama, dán vuollái ekonomalaš neavvuma, ekonomalaš sosiálveahki, gaskabođđošas orrunsaji ja kvalifiserenprográmma. Vuolábealde gávnnat dábálaš dieđuid iešguđet ortnegiid birra. Eanet dieđuid ja njuolggadusaid birra gávnnat go manat dása: www.nav.no dahje go válddát oktavuođa iežat báikkálaš NAV-kantuvrrain. 

Dieđut, neavvun ja bagadeapmi

Neavvun ja bagadeapmi galgá veahkehit ja addit doarjaga nu ahte birget ieš. 

NAV lea lága bokte geatnegahtton addit dieđuid, rávvagiid ja bagadeami buohkaide geat lea váttis eallindilis, nu ahte dat sáhttá čoavdit dahje eastadit sosiála váttisvuođaid. Jos dan galgá nákcet, de fertet leat mielde čoavdit daid hástalusaid maid vásihat. It dárbbaš leat váttis eallindilis dahje vuostáiváldit ekonomalaš sosiálveahki oažžun dihte neavvuma ja bagadeami NAV-kantuvrra bealis. 

Don sáhtát váldit oktavuođa du NAV-kantuvrrain ja dáhtut sagastallama. Mii geahččat dalle makkár eallindilli dus lea, ja addit dutnje dieđuid, rávvagiid ja bagadeami das mo mii sáhttát veahkehit du čoavdin ja eastadan dihte sosiála váttisvuođaid. Jos mii NAV-kantuvrras eat sáhtá veahkehit du dievaslaččat, de galgat mii veahkeit du nu ahte oažžut oktavuođa rivttes ásahusain.  NAV-kantuvrra bargiin lea jávohisvuođageatnegasvuohta. Don sáhtát dáhttut ahte ságastallan čađahuvvon suddjejuvvon báikkis. 

Geas leat riekti oažžut bálvalusveahkit?

Buohkain geat orrot Norggas, lea riekti ohcat ja oažžut árvaluvvot sin dárbbuid bálvalusaide, dieđuide, neavvumii ja bagadeapmái. Dát guoská máid olbmuide geain lea ráddjejuvvon riekti njuolggadusaid mielde sosiála bálvalusaid birra dakkár olbmuide geain ii leat fásta orrunsadji Norggas, dán vuollái maid olbmuide geat orrot lobiheamet Norggas. 

Ekonomalaš neavvun

Jos dus lea vealgi dahje leat váttisvuođat máksit velggiid dahje váttisvuođat hálddašit ruđa nu ahte sáhtát máksit buot goluid, de lea dehálaš ahte válddát oktavuođa buori áiggis. Ulbmil ekonomalaš rávvemiin ja vealgeneavvumiin lea veahkehit du nu ahte sáhtát ieš hálddašit iežat ekonomiija. Neavvun boahtá rievddadit du dárbbuid mielde. Dat sáhttet ovdamearkka dihte leat veahkki hálddašit ruđaid nu ahte dus ii šatta váttisvuohta máksit goluid ja reehkegiid.

Dárkileappot dieđuid ekonomalaš neavvuma ja vealgerávvema birra, geahča: Oažžut ekonomalaš ja vealgerávvema NAVas - Ekonomiija- ja vealgerneavvun. 

Kvalifiserenprográmma (KVP)

Háliidat go birget ieš ekonomalaččat, gávdnat barggu dahje jiebmás doaimma muhto dus leat iešguđetlágan hástalusat mat hehttejit du? De sáhttá Kvalifiserenprográmma (KVP) leat čoavddusin. 

KVP addá dutnje dássedis sisaboađu dan seammas go prográmma váldá vuhtii ja heiveha sisdoalu du sávaldagaide ja dárbbuide. 

NAV lea veahkehan ollusiid oažžut barggu maŋŋil go leat čađahan prográmma. Máŋggas leat lihkostuvvan hálddašit iežaset ekonomiija barggu čađa, ja máŋggas leat álgán ohppui. 

Prográmma addá vejolašvuođa čielggadit makkár vuoigatvuođat dus lea sisbohtui jos it sáhte bargat. 

Dárkileappot dieđuid gávnnat: https://www.nav.no/no/person/flere-tema/sosiale-tjenester/kvalifiseringsprogrammet

Ekonomalaš sosiálveahkki 

Ekonomalaš sosiálveahkki galgá sihkkarastit dutnje birgenveahki jos ieš it nagut dan dahkat barggu dahje eará sisaboađuid bokte. Birgemušain oaivvilduvvo dárbbašlaš eallindárbbuid, earret eará biepmuid, viessoláiggu, elrávnnji, fievrrideami, telefovnna/intereahta ja biktasiid. Dábáleamos doarjunortnet lea doarjja dahje ovdamáksu oajus. Ekonomalaš sosiálveahkki lea gaskaboddosaš veahkki. Doarjjaulbmil lea ahte galgga birgegoahtit ieš nu jođánit go vejolaš. 

NAV Oarje-Romsa vuolggasadji lea ráđđehusa jahkásaš mearriduvvon norbmasubmi eallinbirgemuššii. Spiehkasteapmi dás lea mánnábearrašat, geat ožžot veaháš alibut supmi. 
 

Ohcanskiv gávnnat nav.no dahje váldimis oktavuođa du NAV-kantuvrrain. 

Eavttut

Sáhttá bidjat eavttuid oažžun dihte sosiálveahki. Don sáhtát sihke jerrojuvvot duođaštit makkár eará vejolavuođaid leat geahččalan dahje sáhtát oažžut eavttuid ahte galggat oasálastit doaimmain mat sáhttet addit barggu, nugo Jobbhuset (Bargoviessu) dahje eará. 

Áššemeannudeapmi ja áššemeannudanáigi 

NAV-kantuvrras lea ovddásvástadus dasa ahte ášši lea doarvái bures čilgejuvvon, ja dus lea ovddásvástadus háhkat dárbbašlaš dieđuid mearridan dihte ášši. Ášši mearrádus galgá čilgejuvvot. Dus lea vejolaš guoddalit mearrádusa jos it leat ovttaoaivilis dainna. Guoddalandieđuid gávnnat mearrádusas. 
 

Mii geahččalit meannudit ohcamuša nu jođánit go vejolaš. Áššemeannudanáigi rievddada, muhto jos du ášši ii meannuduvvo 4 vahku sisa, de mii sáddet hálddašanreivven áššemeannudanáiggi birra. 

Mildosat mat berrejit čuovvut ohcamuša:

• Bálkádiehtu/duođaštus eará sisaboađus/opmodagas  
• Dieđut buot du kontuid birra ooversikt fra alle dine konti
• Maŋimus olámuttolaš vearrodieđáhus
• Orrundili duođaštus (ovdamearkka dihte láigošiehtadus, loatnabáhpirat jna.) 
• Rehkegat mat čájehit ovdamearkka dihte viessoláigogoluid/viessoloanagoluid, elrávdnjegoluid, mánáidgárdegoluid/SAÁO-goluid
• Vejolaš gustojeaddji legitimašuvnna jos it oza digitálalaččat 

Gaskaboddosaš orrunfálaldat

NAV galga veahkehit du gávdnat gaskaboddosaš orrunfálaldaga jos leat fáhkka heahtedilis ja ieš it sáhte gávdnat orrunsaji. Jos dus ii leat ruhta máksit gaskabođđosaš orrunsaji ovddas, de sáhtát maid ohcat doarjaga gokčat orruma. 
 

Makkár ásodat fállojuvvo dutnje, árvvoštallo dárbbu vuođul ja mii lea olámuttos ohcandáhtona. NAVas eai leat iežas ásodagat ja ferte geavahit suohkana dahje priváhtta aktevrraid. Vurdojuvvo ahte ieš áŋgirušat gávdnat ásodaga. Sáhtát oažžut ráđiid ja neavvagiid mo válddat oktavuođa láigoheddjiin dahje eará diliid birra mat gusket dasa ahte gávdnat ásodaga.  

Skovit

Ohcamuš sosiála bálvalusaid NAV Oarje-Romsa (Hárstták, Kvæfjord, Dielddanuorri ja Ibestad)