Hopp til toppmenyen på siden Hopp til hovedinnholdet på siden
Vállje giela: Bokmål Samisk

Ođđasat kultuvrra ja álbmotvarrisvuođa birra

Ohcanvejolašvuođat eaktodáhtolaš servviide, Vuođđudus Dam

  • Prográmma ulbmiljoavku lea eaktodáhtolaš searvvit main leat varrisvuođaulbmilat  ja mat leat dohkkehuvvon ohcansearvin Vuođđudusas Dam.  
  • Vuođđudus Dam hálddaša prográmma Varrisvuođa- ja dorvodepartemeantta bealis, ja galgá doarjut áigemeari koronaguoski doaibmabijuid, maid ulbmilat leat ovddidit eallineavttuid, 
  • fysalaš ja psykalaš varrisvuođa, hálddašangálgga, eallinkvalitehta dahje sosiála oassálastima. 
  • Prográmmá álggáhuvvui ođđasit ođđajagimánu 2022, ja ođđajagimánu 25.b. rájes lei fas vejolaš ohcat prošeaktadoarjaga. 
  • Geahča dás eanet dieđuid: Stimuleringsprogram for helsefrivilligheten
Dam, logo

Njoarustančuoigamat

Gattiin mánát ja rávisolbmot bovdejuvvojit njoarustančuoigamiidda, čuoigamiidda, čierastallamiidda ja ovttastallamii olgun. Muitte váldit mielde čierana! Vejolašvuohta oahppat njoarustit. Biepmut guossohuvvojit maŋŋel čuoigamiid. 

0002

Mobiliseren oktovuođa vuostá - ohcanvejolašvuođat joavkkuide ja servviide

Ulbmil lea eastadit ja unnidit oktovuođa ja buoridit álbmoga varrisvuođa ja eallinkvalitehta. Ulbmiljoavkkut leat nuorat ja boarraset olbmot geat leat okto dahje sáhttet vásihit oktvuođa. Eaktodáhtolaš ja ideála searvvit ja priváhtta aktevrrat sáhttet ovttas dahje ieža álggáhit doaibmabijuid. Doaibmabijuid ovdánahttojit ja čađahuvvojit ovttas suohkaniin. 

Logo Helsedirektoratet

Eaktodáhtolašvuođa jagi rahpan Dielddanuoris

Eaktodáhtolašvuohta lea dehálaš searvebargu. Jahki lea ruohtastuvvon ráđđehusa eaktodáhtolašvuođa dieđáhussii. Eaktodáhtolaš searvvit ja ovttaskas olbmot dahket vearditmeahttun barggu, ja dán jagi áigut mii addit sidjiide erenoamáš fuomašumi.  

Eaktodáhtolašvuohta lea nu ollu; sáhttá leat oasálastin muhtun searvvis, mávssekeahtes bargu maid priváhtta olmmoš dahká jna. Ahte veahkehit muitala ahte olmmoš berošta. 

Kultur- ja álbmotvarrisvuođaovttadaga vuollái gullet girjerájus, Eaktodáhtolašvuođa-guovddáš, dearvvašeallin, mánáid- ja nuoraidbargu, kultuvra- ja álbmotvarrisvuohta, valáštallanbarggut jna. Váldde áinnas oktavuođa soapmásiin mis jos háliidat dieđihit iežat eaktodáhtolaš bargguin dahje jos dus leat oaivilat doaimmaide. Čuovo Eaktodáhtolašvuođa jagi dán liŋkka bokte:  https://frivillighetensar.no/delta-i-feiringen

 

Friv

Oza doarjaga Kulturmuitofoanddas

Kulturmuitofoanda lea vuosttašceahkkefálaldat mii addá ekonomalaš doarjaga priváhtta eaiggádiidda ja eaktodáhtolaš servviide gáhttet gáhttenárvosaš kulturmuittuid. 

Sáhtát ohcat vaikko goas min elektrovnnalaš ohcanguovddážis. 

Kulturminnefondet, logo

Eaktodáhtolašvuođa jahki rahpan

Mii ávvudat Eaktodáhtolašvuođa jahki rahpanbeaivvi maŋŋebárgga, ođđajagimánu 18.b, 
Kultur- ja álbmotvarrisvuođaovttadaga olbmot dollet diehtojuohkima olggobealde Ráđđeviesu dii. 15 -17 . 

Frivillighetens år

Dál sáhttet eaktodáhtolaš searvvit ohcat koronadoarjaga skábmamánu ja juovlamánu 2021 ovddas

Doarjja lágidemiid ja doaimmaid oktavuođas 

Ulbmil dáinna ortnegiin lea movttodahttit eaktodáhtolaš joavkkuid ja servviid lágidit doaimmaid, muhto dat guoská maid lágidemiide ja doaimmaide maid šadde šluhttet sivas gáržžidemiid dahje rávvagiid eiseválddiid bealis covid-19 geažil.  Dát ortnet guoská skábmamánu 1.b. 2021 rájes gitta ođđajagimánnui 1.b. 2022 rádjái. Dii sáhttibehtet ohcat doarjaga jos dii sáhttibehtet duođaštit ahte lágideapmi dahje doaibma šluhttejuvvui dahje unniduvvui báikkálaš dahje nationála eiseválddiid gáržžidemiid geažil. 

Ohcanáigi lea ođđajagimánu 18.b. 2022. 

Don fertet vástidit guhtta jo/ii-gažaldaga ovdal go boađát ohcansiidui.

LOtteri-og stift

Oza doarjaga lágidit MIN BEAIVVI

Eaktodáhtolašvuođa jahki lea jo juohkán vuosttaš ruhtaseahka báikkálaš joavkkuide ja servviide mat áigot ávvudit iežaset MIN BEAIVVI. Muhto Eaktodáhtolašvuođa jahki 2022 bistet juovllat guhkit go beassážiidda, ja 2022 mielde sáhttet báikkálaš searvvit, maid váldosearvi lea válljen sin beaivin, ohcat doarjaga gitta 25 000 ruvnno rádjái ávvudan dihte báikkálaččat. Boahtte ohcanáigi lea guovvamánu 7.b., ja sáhtát ohcagoahtit ođđajagimánu 17.b. rájes.

Dás gávnnat eanet dieđuid MIN BEAIVVI birra ja mo sáhtát ohcat doarjaga.

Lea dehálaš ahte váldosearvi álggos vállje makkár beaivvi áigot ávvudit ja čalmmustahttit olles searvvi. Das maŋŋil sáhttet báikkálaš searvvit ohcat doarjaga ávvudeapmái iežaset lagasguovllus dan beaivvi maid váldosearvi lea válljen. Kaleandaris sáhtát geahččat guđe beaivvi makkárge searvi lea válljen iežaset beaivin. 

It gávnna iežat searvvi? Ii leat beare maŋŋit registreret beaivvi! Váldde oktavuođa vardag@frivillighetnorge.no oažžun dihte mo. 

Frivillighetens år

Universála hábmen - máhtolašvuođa ovdáneapmi, gelbbolašvuođa lokten ja diehtojuohkin

Bufdir háliida muitalit ahte doarjjaortnet «Universála hábmen - máhtolašvuođa ovdáneapmi, gelbbolašvuođa lokten ja diehtojuohkin» - 2022 ovddas ja maiddái ohcanskovvi leat dál almmuhuvvon.  

Sáhttá oažžut doarjaga čuovvovaš ulbmiliidda:  

• Dutkamii ja máhtolašvuođa ovdáneapmái suorggis universála hábmen   

• Hutkalašvuođa buvttadeapmái, plánemii dahje vuogádatovdáneapmái universiála hábmemis 

• Gelbbolašvuođa loktemii ja beaktilis diehtojuohkimii universiála hábmema birra 

 

Logo Buf
Giella Norsk - NorwegianGiella Sami - Samisk