Dábálaš mearrádusat - Servodat ja infrastruktuvraovttadat

Buohkat, geat ožžot bálvalusaid dán regulatiivva mielde, galget máksitt bálvalusmávssu. Máksu galgá máksot maŋimusat 16 beaivve maŋŋil rehketdáhtona. Jos máksá maŋŋil áigemeari, de šaddá máksit máksinmuittuhusdivada.  

Bálvalusmáksu meroštallo daid hattiid mielde mat gustojit dan áigemuttos go ollilslaš plánaevttohus, ohcamuš, rievdadusohcan, dieđáhus dahje rekvisišuvdna lea olámuttos.  

§ 3 Máksináigiemearri 

Bálvalusmáksu iešguđet áššiid ovddas galgá váldonjuolggaduslaččat máksot ná: 

A: Doaibmabidju/huksenáššit

Bálvalusmáksu sáddejuvvo go mearrádus lea dahkkon. Álggahanlohpi, geavahanlohpi dahje loahppaduođaštus ii addo ovdal go bálvalusmáksu lea mákson. 

B: Áššit Matrihkkallága mielde/juohkináššit 

Bálvalusmáksu galgá ovddemustá leat mákson ovdal áššemeannudeapmi álggahuvvo. 

C: Mihtidanbálvalusmáksu ja kárta das mo dilli lea 

Bálvalusmáksu gáibiduvvo leat mákson ovdal go mihtidanbarggut álggahuvvojit. 

D: Plánaevttohus ja váikkuhanguorahallan 

Rehket álggahančoahkkima ovddas sáddejuvvo sierra. 

Vuosttaš bealli meroštuvvon bálvalusmávssus bealli sáddejuvvo go plána álggahuvvo. 

Nubbe bealli meroštuvvon bálvalusmávssus sddejuvvo go suohkan lea ožžon dievas plánaevttohusa. 

Olles bálvalusmáksu galgá leat mákson ovdal plánaevttohus ovddiduvvo plánalávdegoddái. 

Erenoamáš gáibideaddji plánaid ovddas sáhttá meroštuvvot ja sáddejuvvot rehket lassimávssu ovddas dárkilist diibmolisttu vuođul dán bálvalusmávssu mearriduvvon diibmohatti mielde. 

Evttohusevttoheaddjis lea ovddasvástádus máksin vejolaš bálvalusmávssuid/rehkegiid olgguldas suorgeeiseválddiin. Go doaibmaálggaheaddji/evttoheaddji/rekvisišuvdnačálli lea sivalaš dasa ahte suohkana bargu gaskkalduvvá, de galgá, jos eará ii leat spesifiserejuvvon bálvalusmáksinregulatiivvas, máksot oassi gullevaš bálvalusas, mii vástida dasa maid suohkan lea dahkan dahje ferte dahkat diibmohattiid vuođul, § 4 mielde - aŋke ii eanet go 75 % háttiin.    

E: Ovddeš rehkegat mat eai leat máskon 

Jos lea ohccis/evttoheaddjis/rekvisišuvdnačállis leat vealgi suohkanii, de sáhttá suohkan gáibidit ahte bálvalusmáksu dan ođđa ášši ovddas mákso ovdal go ođđá ášši meannudeapmi álggahuvvo. 

F: Čáhci, duolvačáhci, ruhtten ja doapparčorgen 

Čátnasanmáksin galgá leat mákson ovdal go gaskaboddosaš geavahanlohpi dahje loahppaduođaštus addo. 

G: Eanadoallu 

Bálvalusmáksu gáibiduvvo leat mákson ovdal go áššemeannudeapmi álggahuvvo.  

H: Dábálaččat

Áššiid ovddas, maid máksu mearriduvvo áigegeavaheami vuođul § 5 mielde, sáddejuvvo rehket mii galgá leat mákson ovdal go loahpalaš mearrádus dahkko. 

Bálvalusmáksu geavahuvvon áiggi vuođul, dahje das čujuhuvvo diibmoháddái, lea dan diibmohaddi ru. 750,- ja guoskevaš bálvalusmáksu vuođđuduvvo dan ala. 

Lassiárvodivat meroštuvvo dušše bálvalusmávssus čáhce-, duovlačáhce-, duopparčorgen- ja ruhttenegulatiivva mearrádusaid mielde. Lassiárvodivat ii gáibiduvvo eará bálvalusmávssuin. 

Rehkegat suohkanlaš bálvalusmávssuid ovddas, mat čuvvot iešgosttádusprinsihpa, sáddejuvvojit 6 geardde jagis. 

Bálvalusmávssuid mearrideapmi juohke eaŋkilis áššis lea čuovvoleapmi máksinregulatiivvas iige dan sáhte váidit.