Hanne Trine Normann álggii bargat suohkanpsykologan Dielddanuori ja Evenášši suohkaniin skábmamánus 2020. Hanne muitala ieš iežas birra:
Mun gergen psykologiijaoahpuin 1997 ja lean bargan psykiatriijabálvalusas (BUP ja VOP), PP-bálvalusas ja eará bargguin. Mun lea bures hárjanan kártet, čielggadit ja dikšut, ja bagadallat sihke ovttaskas olbmuid ja joavkkuid, ja leat vel lassin vásáhusat fágarastideaddji ovttasbarggus. Maŋimuš 5 jagi lean bargan universitehtas, psykalaš varrisvuođaoahpahusas ja bagadallamiin. Mun illudan oahpasmuvvat diiguin, Dielddanuori ja Evenášši suohkaniid ássiiguin, gos mun psykologan galggan leat mielde čalmmustahttit lassi psykalaš varrisvuođa ássiin, erenoamáš fuomášumiin mánáid ja nuoraid psykalaš varrisvuođa. Dán vuolde lea maid áihumuš ahte mun boargagoađán varrisvuođaguoski fáttáiguin eastadeaddji dásis báikkálaš servodagas, ja dat lea juoga mainna illudan bargagoahtit.
Suohkanpsykologa váldosuorggit bohtet leat:
- Kártet/dikšut mánáid ja nuoraid
- Bagadit ja oahpahit suohkana bálvalusbargiid
- Joavkočoahkkanemat/ságastallamat iešguđet fáttáid birra
- Veahkehit bagadallamiin psykososiála heahttejoavkkus
- Veahkehit nuoraid go bohtet varrisvuođaštašuvdnii
Eará barggut bohtet dađistaga.
Oktavuohta suohkanpsykologain sohppojuvvo suohkana varrisvuođabuohccidivššáriin go lea sáhka mánás dahje nuorain. Lassin sáhttet ovttadatjođiheaddjit (dán vuolde rektorat ja mánáidgárdejođiheaddjit) ja suohkana ovttadatjođiheaddjit váldit njuolga oktavuođa jos leš dárbu bagadeapmái jna. Doavttir gohččot pasieanttaid iešheanalaš vuođu mielde.
