Registreren bellodatregistaris - áigemearri lea ođđajagimánu 2. b. 2023
Bellodagat dahje joavkkut mat háliidit cegget listtuid suohkanstivraválgii 2023, sáhttá daid registreret Ovttadatregistarii (Enhetsregisteret) ja Bellodatregistarii ovdal ođđajagimánu 2.beaivvi 2023. Jos registrerejuvvon dieđut galget leat fámus válgga oktavuođas, de ferte Bellodatregistar (Partiregisteret) leat ožžon ja journálii čálihan dieđuid ovdal ođđajagimánu 2.b. válgajagis. Sáhtát sáddet registerendieđuid oktanaga sihke Ovttadatregistarii ja Bellodatregistarii.
Ii leat gáibádus ahte listuevttohus galgá leat čadnon registrerejuvvon politihkkalaš belodahkii.
Cegget listtu válgii? Áigemearri lea njukčamánu 31.b. 2023 diibmu 12.00
Áigemearri buktit listuevttohusa suohkanstivraválgii lea njukčamánu 31.b. 2023 diibmu 12.00. Áigemearri lea eandalii.
Válgadirektoráhtta lea 2023 válgga rájes ovdánahttán elektrovnnalaš portála man bokte sáhttá sáddet listuevttohusaid. Dán čovdosa sáhttá geavahit jos áigu cegget listuevttohusa, čohkket vuolláičállimiid ja sáddet listuevttohusaid suohkanstivra-, ja fylkkadiggeválgii, ja stuorradiggeválgii. Čoavddusa ulbmil lea álkkidahttit listuevttohusaid proseassa.
Sáhtát válljet áiggut go geavahit elektrovnnalaš čovdosa, dahje ráhkadit listoevttohusa bábirhámis. Seamma njuolggadusat gustojit goappaš vugiide.
Sáhtát lohkat Valgdirektoráhta siidduin dárkileappt gáibadusaid birra go áiggut ráhkadit listuevttohusaid.
Go sáddet listuevttohusaid bábirhámis, de mii ávžžuhat atnit daid málliid maid Válgadirekoráhta lea ráhkadan: Listuevttohus bábirhámis- mállet
Listuevttohus bábirhámis galgá buktit Dielddanuori ráđđevissui, Diehtojuohkin ja dokumeantaguovddážii, Skånlandsveien 72/76, Skániin. Áigemearri buktit evttohuaid lea njukčamánu 31.b. dii. 12.00.
Listoevttohusat dárkkisteapmái
Dán čuoggá vuolde mii almmuhit 2023 suohkanstivraválgga listoevttohusaid dárkkisteapmái.
Listtut almmuhuvvojit dađistaga go bohtet suohkanii. Áigemearri buktit suohkanii listoevttohusaid lea njukčamánu 31.b. dii 12.00, ja áigemearri lea eandalii. Listtuid maid leat buktán ovdal áigemeari, sáhttá rievdadit gitta sisabuktima áigemeari rádjái.
Sisabukton listoevttohusat
Listevttohus SV (Dielddanuori Sosialistalaš Gurut)
Listoevttohus - Fremskrittspartiet (Ovddadusbellodat)
Listoevttohus - Høyre (Olgeš)
Listoevttohus - Tjeldsund Tverrpolitiske Liste
Listoevttohus - Senterpartiet (Guovddašbellodat)
Listoevttohus - Rødt - Ruoksat
Listoevttohus - Arbeiderpartiet (Bargiidbellodat)
Proseassa viidáset sisasáddejuvvon listoevttohusaid dáfus
Luohttevašolbmot sáhttet geassit dahje gohččut listoevttohusa máhcahuvvot. Áigemearri dan dahkat lea cuoŋománu 20.beaivi diibmu 12.00.
Listtuid evttohasat ožžot reivve Dielddanuori suohkanis dainna dieđuin ahte sii leat evttohassan listoevttohusas. Áigemearri geassádit iežas evttohassan lea cuoŋománu 28.beaivi 2023.
Dielddanuori suohkana válgastiva galgá dohkkehit buot sisasáddejuvvon listoevttohusaid. Áigemearri válgastivrii dohkkehit dahje hilgut listoevttohusaid lea geassemánu 1.beaivvi 2023. Maŋŋil go válgastivra lea dohkkehan listoevttohusaid, de biddjojit válgalisttut geahčadeapmái min ruovttusiiddus.
