Stuorradiggeválgga ja sámediggeválgga válgastivra
Lahtut | Bellodat | Sleađgaboasta | Telefovdna |
Helene Berg Nilsen | Bb | helene.nilsen@tjeldsund.kommune.no | 91245515 |
Hugo Edgar Heimgård | Gb | hugoheim@me.com | 99225868 |
Jorunn Heidi Olsen | Ob | j-olsen@online.no | 92255958 |
Evald Joakimsen | Bb | evajoa@online.no | 91879967 |
Liv Kristin Johnsen | O | hovbruk@gmail.com | 91802758 |
Knut Andreas Sletten | O | knut.sletten@harstad.serit.no | 99287073 |
Odd Are Hansen | SG | oddarehansen@hotmail.com | 94807604 |
Stuorradigge- ja sámediggeválggaid 2021 listtut listoevttohasaid namaiguin min jienastanbiires
Stuorradiggeválgii 2021 ceggejit čuovvovaš bellodagat listtuid Romssa válgabiires:
- Demokratene
- Alliansen - Alternativ for Norge
- Bargiidbellodat
- Folkeaksjonen Nei til mer bompenger
- Ovddádusbellodat
- Olgešbellodat
- Liberalistene
- Partiet De Kristne
- Piratpartiet
- Rødt
- Partiet Sentrum
- Gurutbellodat
- Ristalaš Álbmotbellodat
- Miljøpartiet De Grønne
- Guovddášbellodat
- Industri- og Næringspartiet
- Helsepartiet
- Sosialisttalaš Gurutbellodat
Listtuid evttohasnamaiguin gávnnat dás
Sámediggeválgii 2021 ceggejit čuovvovaš bellodagat listtuid válgabiires 5 Viestarmearra
- Norgga Sámiid Riikasearvi
- Bargiidbellodat
- Nordkalottfolket
- Sámiálbmotbellodat
- Sámi Álbmotlihttu
- Guovddašbellodat
- Olgešbellodat
- Ovddadusbellodat
Listtaid evttohasnamaiguin gávnnat dás
Jienastanbiiret, válgabáikkit ja ráhpanáigi válgabeaivvi
- Skániid biire - Undomshuset Skániin (Kampen)
- Sáhtiid biire - Sáhtiid giliviesus
- Roaba biire - Huset i Havet
- Vuopmegeaži biire - Loabaáiddi giliviesus
- Kongsvik biire - Kongsvik kulturviesus
- Dielddasullo biire - Stokkestua
- Fjelldal biire - Fjelldal/Ramstad kulturviesus
- Ramsund biire - Ramsund servodatviesus
Buot válgabáikkit lea rábas dii 10 gitta dii 20 rádjái.
Árrajienasteapmi
Don sáhtát jienastit árrat suoidnemánu 1.b. rájes gitta borgemánu 10.b. rádjái jos dus ii leat vejolaš jienastit dábálaš ovddalgihtii jenastanáigodagas.
Árrajienasteapmi čađahuvvo suohkanviesus Skániin suohkana rahpanáiggis, dii 10.00 - 14.00. Váldde oktavuođa Dielddanuori suohkaniin, telefovdna 770 89 500 (telefovdnaguovddáš), soabadan dihte jienastanáiggi.
Jienastit ruovttus
Jienasteaddjit geat buozalmasvuođa dahje bargonávccahisvuođa geažil eai sáhte jienastit jienastanbáikkis, sáhttet maŋŋil ohcamuša válgastivrii jienastit ovddalgihtii ruovttus.
Dán jagi lea válgaláhka rievdaduvvon viiddidan dihte ortnega maiddái gustot jienasteddjiide geat leat geatnegahtton čađahit sirrema covid-19 geažil, ja jienasteddjiide geat leat geatnegahtton čađahit errema covid-19 geažil, geat eai beasa boahtit dohkálaš jienastanlatnjii mii lea ásahuvvon jienasteddjiid várás geat leat erremis.
Dat gusto vuosttažettiin jos sirren-/errenáigi ii leat loahpahuvvon ovdal válgabeaivvi. Jos buohccá dahje šaddá erremii árrat ovddalgihtii jienastanáigodagas, de lea njuoammuneasteami dáfus buoremus jos vuordá jienastit dassážii go sirren-/errenáigi lea nohkan.
Áigemearri sáddet ohcamuša beassat jienastit ovddalgihtii ruovttus lea dii 10 bearjadaga, čakčamánu 10.b.
Jienasteaddjit suohkana jienastuslogus, geat válgabeaivvi leat geatnegahtton sirremii covid-19 geažil, sáhttát maŋŋil ohcamuša válgastivrii jienastit doppe gos orodit. Jienasteaddjit geat leat geatnegahtton erremii covid-19 geažil ja geat eai sáhtet boahtit dohkálaš jienastanbáikái jienasteddjiid várás geat leat erremis, sáhttet maŋŋil ohcamuša válgastivrii jienastit doppe gos orodit. Ohcanáigemearri dása lea vuossárgga, čakčamánu 13.b. dii. 10.00.
Don sáhtát ohcat dahje jearrat beassat jienastit ruovttus čuovvovaš vugiid bokte:
- Sleađgapoasta: postmottak@tjeldsund.kommune.no
- Čálalaš ohcamuš: Tjeldsund kommune, Postboks 240, 9439 Evenskjer
- Telefovdna: 770 89 500 (telefonguovddáš)
Ohcanskovi beassat jienastit ruovttus gávnnat dás
Loga eanet jienasteami birra ruovttus dás
Válgakoarta
Dál lea vuosttaš geardde go sáddejit válgakoarttat digitálalaččat eatnasiidda. Digitála válgakoartta sáhttá vurket njuolga mátketelefuvdnii iige dárbbaš prentehit dan.
Válgakoarta lea vuosttažettiin duođaštus dasa ahte dus lea jienastanriekti válgga oktavuođas. Válgakoarttas oidno makkár válgabiire gulat ja eará dárbbalaš dieđut maid berre lohkat ovdal go jienasta.
Ii leat dárbu čájehit válgakoarta go jienastat, muhto lea álkibut ja jjođáneappo válgabárgiide gávdnat du jienastuslogus jos dus dat lea mielde.
Válgakoarta, leš dal digitálalaš dahje bábirhámis, ii gusto legitimašuvdnan. Dus ferte leat mielde legitimašuvdna mas oaidná du dievaslaš nama, riegádandáhtona ja gova go áiggut jienastit.
Loga eanet válgakoarta sáddema birra dás
Ovddalgihtii jienasteapmi
Dábálaš ovddalgihtii jienasteapmi álgá distaga, borgemánu 10.b.
Borgemánu 10.b. čakčamánu 10.b. áigodagas sáhtet jienastit ovddalgihtii dán báikkis:
Dielddanuori álbmotgirjerádjosis, Skániin
Vuossárgga, gaskavahku ja bearjadaga dii 10.00 - 15.00
Maŋŋebárgga ja duorastaga dii 12.00 - 19.00
Mearriduvvon beivviid sáhtát lassin jienastit ovddalgihtii čuovvovaš báikkiin:
Ramsund girjerádjosis
Distaga, čakčamánu 9.b. dii 12.00 - 15.00
Sáhtiid orrun- ja bálvalusguovddážis
Gaskavahku, čakčamánu 8.b. dii 15.00 - 17.00
Fjelldal dorvoguovddážis
Gaskavahku, čakčamánu 8.b. dii 15.00 - 17.00
Roabadálu orrun- ja bálvalusguovddážis
Duorastaga, čakčamánu 9.b. dii 15.00 - 17.00
Kløverheimen:s, Kongsvik
Duorastaga, čakčamánu 9.b. dii 15.00 - 17.00
Eanet dieđut ovddalgihtii jienasteami birra
Jienasteaddjit geat leat geatnegahtton čađahit sirrema dahje errema Covid-19 geažil, berrejit vuordit jienastemiin dassážii go errenáigi lea loahpahuvvon.
Jienasteaddjit geat leat čađaheamen errema, eai sáhte jienastit dábálaš ovddalgihtii jienastanbáikkis.
Jos meroštuvvon errenáigi ii noga ovdal válgabeaivvi, čakčamánu 13.b., de sáhttet jienasteaddjit geat leat erremis, jienastit dohkálaš jienastanbáikkis. Dielddanuori suohkanis čađahuvvo jienasteapmi sidjiide várrejuvvon biillas olggobealde ovddalgihtii jienastanbáikki Skániin.
Jienasteaddjit fertejit váldit oktavuođa suohkaniin ja soabadit lagabui jienasteami birra, nu ahte suohkana bealis sáhttet ráhkkanit njuommuneatadeami hárrái. Telefovdna: 770 89 500 (telefonguovddáš)
Jienasteaddjit geat leat geatnegahtton čađahit sirrema dahje errema Covid-19 geažil
Jienasteaddjit geat leat geatnegahtton čađahit sirrema Covid-19 geažil, galget jienastit doppe gos orodit sirrenáigodagas.
Jos orut eará suohkanis ja háliidat jienastit, dahje don galggat čađahit sirrema valgabeaivvi maŋŋelii, sáhtát ohcat Dielddanuori válgastivrras ahte beasat jienastit ovddalgihtii doppe gos orordat.
Ohcanáigi lea bearjadaga, čakčamánu 10.b dii 10.00. .
Jos jurddašat jienastit válgabeaivvi, muhto leat geatnegahttot čađahit sirrema Covid-19 geažil, de sáhtát ohcat válgastivrras ovdal válgabeaivvi čakčamánu 13.b. dii 10.00 ahte beasat jienastit doppe gos orodat.
Jienasteddjiin, geat leat geatnegahtton čađahit errema Covid-19 geažil ja eai olle dohkálaš jienastanbáikái daningo ovdamearkka dihte fertejit geavahit almmolaš fievrruid boahtit dohko, lea seamma riekti ohcat seamma ohcanáigemeriid siskkobealde, ahte besset jienastit doppe gos orodit.
Eanet dieđuid gávnnat "Jienastit ruovttus" oasi vuolde.
Jienasteaddjit geat leat geatnegahtton erremii ja sáhttet boahtit dohkálaš ovddalgihtti jienastanbáikái dahje válgadiggái, fertejit váldit oktavuođa suohkaniin ja soabadit lagabui jienasteami birra, nu ahte suohkana bealis sáhttá ráhkkanit njoammunsuodjaleami hárrái. Telefovdna: 770 89 500 (telefonguovddáš) suohkana rahpanáiggis dii 10.00 - 14.00.