Ortnega ulbmil ja ulbmiljoavkkut 

Ulbmil doarjagiin lea láhčit dili oažžun dihte buoremus ávkkastallama meahcceguohtumiin, unnidit massimiid guohtunelliin meahcis ja ovddidit searvedoaimmaid guohtunguovlluin. 

Doarjaga sáhttá addit joavkkuide dahje servviide nu go ovdamearkka dihte guohtuservviide, eananeaiggátservviide, radiobielloservviide mat leat registrerejuvvon ovttadatregisterii, ja main lea guohtunvuđot ealáhusdoaibma ja mat bidjet johtui investerendoaimmaid ja/dahje plánen- ja heivehallanprošeavttaid guohtunguovlluin. Sullásaš gusto doaimmahusaide, maidda sáhttá addit buvttadandoarjaga § 2 mielde njuolggadusain mearriduvvon juovlamánu 19.beaivvi 2014 nr 11817 buvttadandoarjaga ja lonuhandoarjaga birra eanadoalus, go ii leat vejolaš ovttasbargat luonddu dahje doaibmadiliid geažil. 

 

Doarjaga sáhttá atnit fásta guohtunrustegiid ja eará guohtunbiergasiid investeremidda, ja maiddái áigámeari plánen- ja heivehallanprošeavttaide. 

Doarjjadássi:   

• Doarjjaohcamuš fásta rusttegiidda sáhtá oažžut gitta 50% dohkkehuvvon gollomeroštusas 
• Doarjjaohcamuš doaibmebiergasiidda mat leat čadnon meahcceguohtumiidda sáhttá oažžut gitta 50% dohkkehuvvon gollomeroštusas.
• Doarjjaohcamuš elektrovnnalaš gozihanbiergasiidda sáhttá oažžut gitta 70% dohkkehuvvon gollomeroštusas. dát gusto gitta 50% guohtunsearvvi elliidlogus dahje ealus. 
• Doarjjaohcamuš áigemeari plánen- ja heivehallanprošeavttaide sáhttá oažžut gitta 70% dohkkehuvvon gollomeroštusas. 

 

Buot ohcamušaid galgá ovddidt digitálalaččat AGROS ohcanvuogádaga bokte ja dan gávdna Eanandoallodirektoráhta ruovttusiiddus Tilskudd til tiltak i beiteområder vuolde. 
Jos lea eahpamuš, de galgá doaibmabidju diđoštuvvot ovdal loahpalaš mearrádusa.  
Doarjaga galgá máksit maŋŋil go doaibmabidju lea dohkkehuvvon. Duohkanan ovddasteaddjit galget geahčadit doaimmabiju ovdal go dohkkehuvvo jos doaibmabidju lea addon fysalaš rusttegiidda. Buot doaibmabijut galget duođaštuvvot rehkegiid ja rehkletdoalu bokte.  
Stuorat prošeavttain mat bistet máŋga jagi, sáhttá máksit osiid dađi mielde go prošeakta ovdána.  

 

Doaibmabidjostrategiija njuolggadusat leat mielddusin.