Krav til gjødslingsjournal

Frå 2026 er det krav om å føre journal over bruk av gjødsel.

Ny forskrift om lagring og bruk av gjødsel vart innført i februar 2025. Frå og med i år skal alle jordbruksføretak som brukar gjødselvarer føre journal over gjødslinga. Kravet gjeld òg ansvarlege for hestehald og andre aktivitetar som gir husdyrgjødsel. Bruk av kunstgjødsel i private hagar er ikkje omfatta. Med gjødselvare meiner ein husdyrgjødsel, kunstgjødsel og eventuelt slam eller biorest.

Innhald i gjødslingsjournalen

Journalen skal vise

• type og mengde gjødselvare det er gjødsla med
• tidspunkt for gjødsling og kva areal som er gjødsla
• mengder fosfor og nitrogen som er tilført kvart enkelt areal
• mengder fosfor og nitrogen som er tilført totalt

Mengder av næringsstoff i ulike gjødseltypar

Kunstgjødsel inneheld ei oppgitt mengde med nitrogen (N), fosfor (P) og kalium (K), og er derfor enkel å rekne på. Husdyrgjødsel varierer veldig mykje. Nedanfor er nokre typiske verdiar:

• Storfe: 3–3,4 kg N per tonn og ca. 0,5 kg P per tonn
• Sau, blautgjødsel: 5,5 kg N og 1,1 kg P per tonn
• Sau, talle: 7 kg N og 2,1 kg P per tonn
• Gris: varierer mykje etter tørrstoffinnhald

• blaut: ca. 2,6 kg N og 0,5 kg P per tonn
• tørr: ca. 4,4 kg N og 2,3 kg P per tonn

Hjelpemiddel og praktisk føring

Det vil bli utarbeidd hjelpemiddel for å føre gjødslingsjournal, truleg som integrert del av gjødslingsplanen. Det er likevel ingen formkrav til korleis journalen skal sjå ut. Det viktigaste i starten er å notere

• kor mykje husdyrgjødsel (lass eller tonn) som blir spreidd på kvart enkelt skifte
• kor mange kilo kunstgjødsel per dekar som blir brukt

Desse opplysningane gjer det mogleg å rekne ut kor mange kilo N og P som er tilført per dekar.

Grense for fosfor

I år er det tillate å gjødsle med inntil 3,5 kg fosfor per dekar. Det gjeld samla for både husdyrgjødsel og kunstgjødsel. 2,5 kg P/daa/år fra og med 1. januar 2027

På innmarksbeite godkjent som spreieareal kan du spreie maksimalt 2 kg P/daa.

Spredetidspunkt

I Troms og Finnmark i perioden 1. mars til og med 1. november i kombinasjon med nedmolding. Spredning uten nedmolding på eng og annen grøde skal skje senest 1. september og det skal samme år høstes etter spredningen.