Almmuhus - suohkanplána areálaoasi plánaprográmma lea dohkkehuvvon

Dielddanuori suohkanstivra mearridii geassemánu 15.b. 2022 (ášši SST 47/22) suohkanplána areálaoasi plánaprográmma. 

Dielddanuori suohkan lea Plána- ja huksenlága §4-1 Lenke til et annet nettsted. mielde ráhkadan plánaprográmma suohkanplána areálaoassái. Plánaprográmma lea dego muhtun lágan "plána plánii" go das galgá čilget plánabarggu, plánaproseassa oktan áigemeriiguin ja oassálastiiguin, mielváikkuhanplána ja guorahallandárbbu ulbmiliid. Áigumuš lea láhčit dili rabas plánaprosessii mii sihkkarastá viiddis ja ulbmilaš mielváikkuheami ja oassálastima buot guoski beallalaččaide olles proseassa čađaheamis. 

Plánabargguid vuođđu lea suohkanstivrra mearrádus juovlamánu 9.b. 2020 áššis SST 161/20 suohkanlaš plánastrategiija. Plánastrategiija mielde galgá ráhkaduvvot ođđa suohkanplána Dielddanuori suohkanii, mas suohkanplána areálaoasi bargu álggahuvvo go servodatoasi váldolinjját leat sajis. Suohkanplána servodatoassi pdf, 2 MB. dohkkehuvvui njukčamánu 30.b. 2022, servodatoasi almmuhus oktan guoski dokumeanttaiguin sáhtát lohkat dás.

Lea vejolaš sáddet oaivviliid areálaoassái, mas sáhtát ovddidit erenoamáš areálalaš oaiviliid areálaoassái. Eanet dieđuid gávnnat plánaprográmmas ja sierra skovis mii lea mielddusin vuolábealde. Áigemearri sáddet oaiviliid lea skábmamánu 30.b. 2022. 

Jos dáhtut plánaprográmma sámegillii, váldde oktavuođa sleađgapoastačujuhusa bokte: post@tjeldsund.kommune.no