Gulaskuddan ja almmolaš geahčadeapmi – plánaevttohus Dielddanuori suohkana suohkanplána searvodatoassái 2022-2034

Dielddanuori suohkana ovdagoddi mearridii juovlamánu 8.b. 2021 ahte evttohus suohkanplána servodatoassái 2022-2034 galgá sáddejuvvot gulaskuddamii ja almmolaš geahčadeapmái, gč. Plána- ja huksenlága § 11-14.

Suohkanplána servodatoassi lea dehálaš stivrendokumeantta Dielddanuori suohkanii. Plána sisttisdoallá guhkitáigge mihtuid ja strategiijaid dasa mo ovdánit 2034 rádjái. Servodatoassi galgá leat láidesteaddjin buot suohkana bargguide ja eará plánaide maid ráhkadit. Servodatoasi oktavuođas galgá ráhkaduvvot doaibmaoassi oktan doaibmabijuiguin mas galget dárkileappot konkretiseret lassi mihtuid ja strategiijaid. 

Go loahpalaš mearrádus dahkko, de galgá servodatoassi maiddái leat sámegillii. 

Suohkanplána servodatoasi plánaevttohus gullevaš mildusiin gávnnat vuollelis dán siiddus. 

Gulaskuddancealkámuša sáddejuvvo dán čujuhussii:

post@tjeldsund.kommune.no dahje Tjeldsund kommune, Postboks 240, 9439 Evenskjer, ja merkejuvvo «Høring kommuneplanens samfunnsdel 2022-2034».

Áigemearri buktit gulaskuddancealkámuša lea ođđajagimánu 27.b. 2022.