Ovddasteaddjiortnet ovttaskas vuolleahkásaš dorvoohcciide

Mánát geat bohtet okto Norgii ja ohcet dorvvu, gohčojuvvojit ovttaskas vuolleahkásaččat. Sis lea riekti oažžut nammaduvvot ovddasteaddji Norggas. 

Ovddasteaddji lea rávisolmmoš váhnemiid sajis ja fuolaha ovttaskas vuolleahkásaš dorvoohcci jurihkalaš ja ekonomalaš rievttit Norggas, ja maiddái dorvoohcanproseassa. Ovddasteaddjis ii leat beaivválaš fuolaheapmi dorvoohccis, muhto galgá geahččat bearrái ahte áimmahuššet dorvoohcci fuolahandárbbuid.  

Báikkálaš fuolahaneiseváldin lea Romssa ja Finnmárkku stáhtahálddašeaddjis ovddasvástádus earret eará rekrutteret, oahpahit, bággadallat ja bearráigeahččat fylkaovddasvástideddjiid. 

Háliidat go šaddat ovddasvástideaddjin ovttaskas vuolleahkásaš dorvoohcciide, de váldde oktavuođa Romssa ja Finnmárkku stáhtahálddašeddjiin, telefovdna 78 95 03 00.

 

Eanet dieđut ovddasvástideaddjo otnega birra: 

https://www.statsforvalteren.no/portal/vergemal/representant-for-enslig-mindrearig-asylsoker/

https://www.vergemal.no/enslig-mindreaarig-asylsoeker.447455.no.html

Dielddanuori suohkanstivra lea mearridan váldit vuostá 30 dorvoohcci

Suohkanstivra meannudii čoahkkimis njukčamánu 30.b. ja dagai čuovvovaš mearrádusa: 

  1. Dielddanuori suohkanstivra dovddaha miehtemiela ja sympatiija Ukraina ássiiguin dálá soađis riikkas. 
  2. Suohkanstivra mearrida ahte Dielddanuori suohkan galgá láhčit dili váldit vuostá ja ásaiduhttit gitta 30 Ukraina dorvoohcciid IMID gulaskuddama mielde. 
  3. Suohkanstivra lea mielas dasa ahte priváhtta olbmot sáhttet fállat orruma dorvoohcciide daid rámmaid ja njuolggadusaid mielde maid IMDI ja guovddáš eiseválddit mearridit. Suohkanstivra dhttu ráđđeálbmá kártet dán beroštumi suohkanássiid gaska, ja láhčit dili dasa ahte dorvoohccit sáhttet orrut suohkana láigihanviesuin ja viessovuođđudusa viesuin. Ássan berre dáhpáhuvvat miehtá suohkana. 
  4. Ráđđeolmmái gohččojuvvo, jos dárbbašlaš, láhčit dili bálvalusfálaldagaide maidda lea dárbu ássama oktavuođas, dán vuollái maid virgádit doarvái bárgiid. Dát gusto vuosttažettiin dorvoohcciidbálvalusas, NAVas ja eastadeaddji bálvalusas. Lassi virggiid ruhtadit integrerendoarjaga lassi sisaboađuiguin.   

Gulaskuddan olámuttolaš viesuid birra

Oassin min nationála ovttasbarggus veahkehit dorvoohcciid Ukrainas, lea Dielddanuori suohkan ožžon jearaldaga váldit vuostá 30 dorvoohcci, juogo Ukrainas eret dahje kvohtadorvoohcciid gaska. 

Suohkan ii dieđe vuos gii boahtá - man máŋggas, agi, sohkabeali, goas bohtet. Suohkan láhčá dili váldit sin vuostá nu bures go sáhttá - muhto mii, servodahkan, leat sorjavaš dasa ahte buohkat veahkehit ovttasbarggus váldit vuostá ja čuovvoli dorvoohcciid. Suohkan dárbbaša olámuttos orrunsajiid, nugo lanjadagaid, viesuid, astoáiggeviesuid main sáhttá orrut, vuosttažettin guovddáš baikkis gos lea lahka gávppiide, skovlái ja mánáidgárdái. Mis lea maid dárbu eaktodáhtolaš olbmuide geat sáhttet veahkehit vuostáváldit ja leat ofelažžan suohkanis. Mii dáhttut buohkaid geat sáhttet veahkehit, addit dieđu dan birra čuovvovas sleađgapostii: post@tjeldsund.kommune.no