Eastadan dihte njoammuma ja movttidan dihte ássiid čađahit máŋgga tuvrraid suohkanis, de háliida suohkan álggahit TellTur, mii lea olgonastinráđiid riikaviidosaš, elektrovnnalaš poastakássahárjehallan. Das sáhtát gávdnat iešguđetlágan tuvrraid, ja sáhtát registreret tuvrraid álccet ja olles bearrašii. Sáhtát gilvalit alddáinat dahje earáuin, geat orrot guhkin dahje lahka, ahte eanet olgonastit báikkálaš, regionálalš dahje nationálaš lagasbirrasis.
TellTur addá vejolašvuođa doaimmalaččat ásahit ođđa tuvrraid digitála mearkkaid bokte. Ii dárbbaš ohcat makkárge kodaid dahje čállit makkárge tuvragirjái. Buot maid dárbbašat lea mátketelfuvdna.
Vai Dielddanuori suohkana tuvrrat galget boahtit mielde dán vuogádahkii, de dárbbašat mii veahki tuvrajoakkuin, eaktodáhtolaččain ja servviin mat sáhttet ráhkadit tuvrabálgáid ja bidjat sisa koordináhtaid, ráhkadit eaŋkilis čilgehusaid ja bidjat govaid vuogádahkii.
Ovdamonit geavahišgoahtit Telltur leat máŋga:
1. Eanet tuvrrat leat gávdnamis lummas - buot gávdno ovttas appas:
2. Vejolaš oasálastit fáddagilvvuin maid suohkan/olgonastinráđđi doallá jagi mielde
3. Dahkat tuvrraid ja guovlluid olámuddui áibbas eará lahkái go dábálaš kártta mielde (gávdná buot dieđuid tuvrraid birra sihke appas ja neahtas - man lossat ja guhki lea tuvra, man guhká adjána, gosa parkeret, alimus báikkáš tuvrras, govat).
4. Movttidahtti čuoggáidlohkan sidjiide geat das beroštit
5. Elektrovnnalaš sisačáliheapmi - ii dárbbaš čállit makkárge girjái - njuommunsuodjaleapmi
6. TellTur geavahuvvo máŋgga regiovnnas ja dalle lea álkit gávdnat vejolaš tuvrraid go lea luomus ovdamearkka dihte Sálttus, Helgelánddas, Romssas, Agderis, Viestterális, Rogalánddas, Vestlándda fykka lulit guovllus.
Eará lagas suohkanat mat leat váldán atnui doaimma leat Evenášši, Áhkánjárga ja Ivvárstádik.
Váldde oktavuođa Kultur- ja Álbmotvarrisvuođa ovttadagain Silje Elvenes Liseth bokte jos dáhtut eanet dieđuid ja dát boktá beroštumi.
Olgonastinráđi olis lágiduvvo oahpahus mo bidjat sisa dieđuid appii ja mo dat doaibmá.
Dárkileabbot dieđuid birra sáhttá oažžut dáš :
